Feedback received from our June – July participants

Thank you!

Geagte FSA Suid Afrika,

Baie dankie vir n mees ongelooflike wat nou verby is maar baie lewendige herinneringe bly.

Dit was regtig ‘amazing’ en ‘n ervaring van ‘n leeftyd.

Baie dankie vir alles.

Baie liefde en groete,

K**

Beste **,

Ek wil graag op die vooraand van M** se terugkoms vir jou persoonlik bedank vir die besondere wyse waarop jy elke jongmens begelei op die uitruilprogram. Vanaf dag een het die hele aanslag en manier van doen ons baie beïndruk- ons is mense wat graag deursigtigheid en beplanning wil sien met enige organisasie- veral as dit ons kind raak. Met FSA was daar nooit enige onsekerhede nie. Ek het veral die naweek wat jy spesiaal moeite gedoen het om S** toe te kom, geweldig waardeer. Hierdie jongmense is nie net name op papier vir jou nie- dit was baie duidelik.

M** was vir maande lank baie opgewonde en het net droombeelde gesien vir haar tyd in Duitsland- ons het haar gewaarsku dat die realiteit nie altyd so fantasties is nie- maar dit het sy natuurlik ervaar toe sy daar kom. Die werklikheid van lewe in Duitsland saam met haar gasgesin was BAIE anders as wat sy haar voorgestel het. Ek het haar so elke 5 dae gebel, en ons het af en toe sms’e gestuur. Haar woorde daar in die begin:" Ek word elke oomblik van die dag uit my ‘comfortzone’ uitgehaal". Haar gesin het uiters beskermend teenoor haar opgetree- ek as haar ma het baie daarvan gehou- maar sy het dit soms as te erg ervaar. Sy moes baie dinge verdra wat baie anders was as waaraan sy gewoond was, maar sy het vasgebyt en haar bes probeer om oral in te skakel.

Die positiewe gevolge was groot- maar sy sal dit nog self kom vertel en ook aan jou ‘n skrywe rig. Ek kry haar eers Vrydag nm op ** Lughawe, maar ek kan so duidelik agterkom hoe sy as mens gegroei en ontwikkel het die afgelope 4 weke.

Baie baie dankie vir FSA se besondere toewyding en begeleiding om hierdie jongmense se horisonne te verruim- ek voel bevoorreg dat M** deel hiervan kon wees.

Beste groete, T T

Beste ****,

Dit is baie lekker om ons kind weer veilig by die huis te hê. Ons wil jou graag baie hartlik bedank vir die geleentheid wat C** gehad het om deel van julle uitruilprogram te wees. Dit was vir haar ‘n ongelooflike ervaring en ons weet dat sy nog die vrugte daarvan sal pluk in haar menswees.

Baie, baie dankie vir julle puik reëlings! Jammer dat ons ook per geleentheid ‘n dom vraag of twee gevra het, maar ons deel van die administrasie is ook maar ‘n groot ding vir ouers.

Seënwense vir die wonderlke werk wat julle doen om aan jongmense hierdie geleenthede te bied!

Baie groete,

Familie V**

Beste **,

So ja, hier is ek weer in my tuisland! Ek kom terug met soveel ongelooflike ervaringe en nuwe persepsies. My wêreld is beslis nou sóveel groter… As ek nou net terugdink aan die paar dae voor my reis – ek het gesidder met die gedagte dat ek alleen my weg moet vind in ‘n vreemde land. Nou is busry, treinry en selfs vlieg vir my níks! Ek is beslis nou meer selfstandig.

Ek dink ek het met die regte perspektief gegaan, maar dit kon my steeds nie voorberei op wat vir my sou wag in Duitsland nie. Ek het gegaan met ‚n doel: ek gaan leer Duits práát. En sjoe, het ek daardie doelwit bereik! Nommer een: die Duitsers kan nie eintlik Engels praat nie, so dis uit. Ek moes noodgedwonge Duits praat. Maar dit was eintlik soveel meer as net die Duits – ek het werklik die egte Duitse kultuur beleef. My gasgesin het my regtig in die gemeenskap probeer integreer, en ek het later al soos ‚n ware Duitser gevoel!

Ek het soveel ongelooflike herinneringe, ek weet nie eers waar om te begin nie… Ek mislei myself egter nie oor my reis en ervaringe nie. Ek wil nou nie sê die goed en die sleg was vyftig-vyftig nie, maar die goed het BESLIS opgemaak vir die sleg! ‚n Voornemende uitruilstudent moet net weet dat alles nie altyd lekker gaan wees nie. ‚n Mens gaan maar opofferings móét maak. Ek het regtig alles probeer – dis al wat jy moet doen, jy moet net probeer – en het nuwe dinge omtrent myself en my toekoms besef. Om ‚n voorbeeld te noem: Ons het saam met die skool gaan bergklim. Ek was amper seker daarvan voor die tyd dat ek nie hiertoe in staat sou wees nie. Ek het dit egter, ongeag my vrese, probeer. En ek was op die ou end trots op myself vir hoe lank ek uitgehou het. Dit was genoeg vir my gasfamilie en Duitse skoolmaats dat ek probeer het.

Ek het ook gou enige illusies oor ‚n toeriste-toer opsygeskuif. Dit was ‚n uitruil, nie ‚n toer nie. Ek het skoolgegaan, en omdat ek feitlik elke dag eers weer vyf uur by die huis ingestap het, was daar eenvoudig nie tyd vir uitry en besienswaardighede nie. Naweke was dit feestyd. Ek dink ek het seker ses feeste bygewoon! Dis nou dorpsfeeste – feeste waarby toeriste normaalweg nie eintlik welkom is nie. En dít was die verskil: ek was deel van die familie, so ek was deel van die gemeenskap, en deel van die dorp. ‚n Gewone toeris sou nie die ware Duitse kultuur ervaar het soos wat ek dit ervaar het nie. Die vermaak by so ‚n fees sou die plaaslike blaasorkessie of ‚n konsert deur die kinders van die dorp wees. Dan eet ons Currywurst, Bratwurst, Tortes, Waffeln en ons kuier saam. Almal trek tradisionele drag aan en drink bier (in my geval appelsap…). Dit is ‚n baie luide en jolige feesviering, só ‚n fees.

Ek het weereens besef: Die Duitsers is net ánders as ons. Nou nie op ‘n slegte manier nie, maar hulle het verskillende tradisies en ‚n totale ander lewenswyse. Wel, wat kan ‚n mens verwag? Dis ‚n eerste-wêreldse land, en alles werk. Al die busse en treine is betyds. Geweld is nie ‚n kwessie nie. My gasfamilie was steeds uitermate beskermend oor my, en ek is dankbaar daarvoor. En ek was definitief nie ‚n gas nie. Ek was deel van die familie. Ek het ook verpligtinge gehad, en ek dink dit is belangrik om so hulpsaam as moontlik te wees. Ek wou nie hê hulle moes my op die hande dra nie. Hulle waardeer selfs die kleinste goedjies, soos byvoorbeeld as jy aanbied om die tafel te dek of koffie vir almal te maak.

Ek het eers gedink dat my gasfamilie ‚n bietjie koud teenoor my was, maar dit was net ‘n aanvanklike indruk. Hulle stel régtig belang, jy moet net ook die moeite doen om hulle uit te vra en in húlle belang te stel. Op die ou end het ons regtig lekker tye saam gehad en die atmosfeer was glad nie styf of vreemd nie. Stilte was so gemaklik soos spraak.

Ek dink ek is nou ‚n ander mens. Ek het aan myself bewys dat ek kán. En daar is soveel dinge (wat vir my eers so belangrik was voor my reis) wat nou níks is nie! Ek bedoel: ek is alleen Europa toe, ek kan sekerlik enigiets ander hanteer wat na my kant toe kom?

Laastens wil ek net regtig dankie sê vir al u moeite as organiseerder. Ek dink nie ek, of die ander FSA-studente, besef werklik hoeveel werk en opoffering daar in hierdie uitruil opgesluit lê nie. Ek is ewig dankbaar. FSA het my lewe heeltemal verander! Weereens dankie en ek hoop die toekomstige uitruilprogramme is net so suksesvol soos wat myne was.

Groete,

M* T

Dear ** and **,

L** had an unforgettable time in Germany and her host family, the K**, showed her exceptional kindness and generosity. She also had lots of fun with N** and the two forged a bond that will keep them in touch with each other. We are hoping that N** will also come to South Africa one day, so that we may reciprocate the hospitality.

Thank you for your efforts in facilitating this opportunity for L**.

Good luck with your future projects and we look forward to hearing who will be our host student in December.

With warm regards and best wishes,

M & L R**

**,

Dit so wonderlik om sulke woorde te hoor. D** is ‘n baie positiewe kind, maar dit is altyd goed om te weet sy kan dit oordra na ander mense.

Ek wil sommer vir jou ook baie dankie sê vir alles. Dit was regtig vir D** en ons ‘n baie positiewe ervaring. Alle administrasie was presies op tyd. Ons het nooit gewonder wat, wanneer moes gebeur nie. Julle terugvoer en antwoorde op vrae was vinnig en volledig. Dit het alles bygedra tot ‘n tyd wat D** nooit sal vergeet nie.

Die tyd in Duitsland het vir D** baie beteken. Sy glo baie meer in haar eie vermoë. Haar interaksie met soveel verskillende mense het haar soveel meer, self geldend en volwasse gemaak. Sy het die geleentheid gekry om regtig ‘n ambassadeur vir haar land te wees.

Haar gas ouers was regtig puik. Hulle het baie moeite met haar gedoen en was altyd gaaf en ondersteunend. Die “gasma” het deurentyd vir my foto’s van D** gestuur en my op hoogte gehou van hul doen en late.

Dra asseblief my opregte dank aan S** oor. Dit was baie gerusstellend om haar elke keer op die lughawe te sien. Haar kalmte en vriendelikheid het baie gehelp met die afsien van die kinders op die lughawe.

Sal jy ook vir P** dankie se vir haar moeite in Duitsland.

Ek sal graag die program vir enige kind aanbeveel.

Baie dankie vir jou mooi woorde en mag dit vir jou ‘n wonderlike jaar verder wees. Sterkte met al jul harde werk.

Groete,

O**

Dear ****,

Good morning. Hope this finds you well.

We have been trying to reach you by Skype & telephone, but all in vain.

It is with great appreciation & happiness to let you know that D** had a safe trip back home. We are humbled by the exceptional parental care & guidance you offered to her; moreover that this was one of its first kind experience in her life.

A real eye opener, that makes her to appreciate each & every moment given in life. She speaks in volumes about your family; L**** in particular & indeed appreciates the exposure afforded.

Once more, Thanks a million & hope that the relationship we have with you & your family will strengthen further.

Lastly but not least, our sincere gratitude to FSA Youth Exchange for the meticulous coordination of the programme from day one to the very end. D**** is busy catching up with school work as she has only a week back log, subsequently drafting her report regarding her German tour experiences. That will definitely be shared with all relevant parties.

Warm wishes & God Bless.

Kind Regards,

K***

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s